在酒店解決了早餐後
就坐van去搭小艇啦
先搭小艇到海中一個搭成既類似魚排的地方
有好多人 好多椅子
哦....原來呢個地方係玩水上降傘既...
附近有好多小快艇仔等待你打開你既荷包xd
其實好想玩..但又真係好驚..因為之前既後遺症..
連機動遊戲都唔可以玩..好驚上到天空勁頭痛呢...><
諗多兩諗..都係決定玩啦...人1世物1世..
盛惠700珠1位(大約港幣$175)
在平台會有工作人員幫你穿好一切衣服
然後用body language 叫你助跑
但我都未跑 個船家已經開船 扯左我出去.....==
剛剛上到去..真係嚇死..它冇啦啦自己下降..
嚇到我自言自語..跌啦跌啦....原來係個船家慢慢放低比我掂水..
最後它比我掂3次水..就結束左我既第1次...><
但一路上我隻手係從未離開個o個條帶...><
落返黎既時候 似1個顛婆 xd
然後 又搭小艇到珊瑚島
去到搽太陽油 搽完個身 就唔記得左搽面 就沖左出去玩活動啦
我本人選左潛水=海底漫步
盛惠1600珠(港幣$400)
初時都冇諗過價錢問題 1600珠 冇問題好呀好呀去玩..
但玩完再諗1諗 就好像覺得比人昆水==
另外 原本想買個即棄o個dd相機影水底
點知個導遊話你們幾個人玩 可以有個人幫你影相 200珠40張
幾個人除開幾抵 仲會燒埋隻碟 又比人呃多樣啦..==
又係搭小艇去某1個地方
上到隻大艇 嘩 好多人呀 原來個個都已經玩完 係度抖緊
先穿好一對膠鞋
然後半身浸係水度 呢個時候有另外一個人把個太空人頭盔放係你個頭度
嘩 終於明白咩叫 膊頭千斤重啦><
落到去一半 嘩 耳仔勁痛
唔得啦 唔得啦 我要上去啦!!
係未落水之前 已經有人教你 如果當你落到去
因水壓問題耳仔痛既話 你就要按實個nose 然後大力大力咁向下cho
迫dd氣係耳仔度出返黎
嘩 我cho左勁耐都cho唔到 想叫他比返我上去
好彩個頭盔有氧輸入黎 我先覺得好好多 可以行啦
我們1行3個人就落水底 開頭會有2個人拉你們去一堆珊瑚度
然後捉住你係珊瑚堆前影 我們3個輪流影完
就有1個人離開左 留下o個個呢突然變左袋麵包出黎
咁我們就餵魚啦 當睇到你面前全都是魚 真係好興奮^^
之後就帶我們向前走去第2堆珊瑚度
他就係第2堆珊瑚度 拎左個好大既貝殼出黎 比我們篤
哈哈 我真係插隻手指落去xd
又拎左隻好大既海星 最後拎左隻海膽出黎
之後就進行第2次餵魚
o個個人就拎左d麵包 拋係你前面 就有好多好多魚啦
之後仲捉拎左d麵包放係我男友人既褲頭 咁就會有小魚黎係咁啄你啦
哈哈 真好玩
不過值得一提既係 我覺得o個個人有點抽水囉
我都唔明點解拉我行 捉我隻手未得囉 點解要攬住我條腰呢??
我又唔係行唔到 我直頭覺得好像比人攬緊咁 不過算!出黎玩比面你1次!
更可況應該冇機會再見第2次~~!!
之後就上水啦 係我玩緊水底漫步的時候
有人就去左玩水上電單車 盛恵500珠1位(港幣$125)
我玩完上水既時候 他們就去玩香蕉船 盛惠250珠1位 合共1000珠1條(港幣$250)
我唔明點解玩香蕉船要特地比錢 所以我唔玩 我去曬太陽
曬曬下 就走左去玩焗沙 我的朋友仔用沙埋了我
結果我就係太陽下暴曬左半個鐘
問題係原來我冇搽防曬係塊面度==
曬完我們就去食野啦 yes! 又係食海鮮
一盤大大的海鮮 仲有一盤生果 不過想食都冇得食
因為由一開始已經擺左出黎 所以想食都比人叫唔準食
玩完當然返酒店沖涼啦 成身沙==
之後就決定去做Spa 而同行既男友人就去玩小型賽車
先講Spa (A-chilles)
1800珠5樣野 (港幣$450)
草藥治療 15mins
美白療程 15mins
泰式按摩 45mins
仲有1個唔記得左 15mins
敬送茶點和小食
如果你唔鐘意以上既其中一點 都可以變為泰式按摩
總之加埋就1個半小時
好 先選香薰油 然後入房 1入房就叫我除333 (嘩...><)
連爸爸媽媽都要除埋...><
之後就叫我沖涼 因為我岩岩先沖完 所以免了
然後就唔知用d咩幫我按摩 好像有點磨沙既感覺
之後就走去沖涼 嘩 個浴室透明既
好頭個女仔係我沖涼既時候出去拎野 唔係睇住我沖都幾監介><
等我沖完 就有茶點食啦 都幾好味 杯茶好甜但好好飲^^
之後她就用按摩油幫我按啦 又係舒服到訓著左 哈
之後因為冇散紙 所以比左70珠貼士
說真的 間房只有1個人 都幾正~
之後就落樓下等埋其他人啦
嘩 閒談中 原來隔離房o個2個女仔係睇住他們沖涼
嘩 我真係接受唔到囉 xd
他們叫她們出房 但她們就話唔緊要 OK嫁
哈 但他們緊要麻 笑死我同嚇死我!!
等緊人就走啦 小型賽車o個2位都過左黎啦
o個個小型賽車就係我們酒店附近
800珠1次 (港幣$200) 每次8mins
每次玩完都會有張A4紙比你們留念 紀錄你們既成績
之後我們就去第2街食飯啦 (Sala Noornan)
呢間野就係人妖show旁邊
門口有呢架野比你影下相
食既當然又係大同小異啦 所以都冇咩點影相啦==
(又生蝦 豬頸肉 炒飯既配料 又咖哩炒蟹==)
之後食完野 咁岩我們食完既時間同人妖完show既時間撞埋
導遊就叫我們等等啦
(Aloegces)
呢間係泰國排第2既人妖show館 排第1既叫Tiffany~
我終於都等到啦 黎泰國冇同人妖影過相好像冇黎過咁
每位主角盛惠40珠(港幣$10)
放心 就算影左她們都係會叫你們比錢嫁 係一個公開既秘密
呢個我覺得真係好靚...件333...^^雖然她都唔錯..不過一開聲==我接受唔到囉...==
都唔明揸機o個位..明明人地件33好像下圖黃色咁..
有咩理由打橫影...==
(Lady Gaga...^^)完成左我其中一個心願之後 因為好累既關係 所以決定返酒店啦
導遊說 她們當然樂意影多幾個人 因為係外快麻
你試想想 由下午後 每天幾場 場與場之間既空檔就出黎見我們呢班水魚xd
當時只不過係9點 返到酒店 落左樓下用30mins free wifi 啦
這樣就結束了我的第3天........
不過今天真係好正d水上活動 特別係水上傘
呢個旅程真係不枉此行 ^^
沒有留言:
張貼留言