中秋節快樂唷~~~!!!

至從踏入9月後..我的休息時間就少了一半有多..
或許是上天憐''文''我前陣子乖巧的等待...

沒有上來很久了
每天的睡眠時間平均只係得幾小時
(係唷~!你估岩左!!好鬼累都要開電腦玩一陣fb..哈哈)
女人都係犯賤的麻...(其實我講緊自己姐....><)

朋友話 唔知點解踏入9月 就有很多人同她表白
我就話 唔知點解踏入9月 就有很多工作比我
(好像係度呻緊 但事實上我並唔係咁既意思...><)

暫時去到今日黎計 出面晚上的工作已多達10次
當然唔可以同以前我跟公司揾食o個期 日日有
但以而家自己跳左出黎 接電話接job咁計 今個月係爆多
而家既我 都係靠以前遺留落黎既熟客 以前所留下既印象

我就係一直都唔係最出位 最叻 最專業 最好 最有笑容 最靚既一位
亦唔係最差 最冇禮拜 最黑口黑面既一位
所以往往人地第1個諗起既 都唔會係我

但因為就係晚上既 實在太飄忽 我要比錢屋企麻
所以 前陣子都要向現實低頭 做1份你們應該估唔到我會做既工

我唔會攞日間既黎同晚間既比
怎樣比?人工?時間?快樂?
我係唔知應該點樣去比?
其實亦冇呢個需要 去比....
日間 平均7-8hs 人工較低 但我鐘意同事之間既相處
晚間 平均7-10hs 人工較高 但要接受比人口頭上食你豆腐
(口頭上 收緊錢既時候 就唯有接受下啦 又唔係動手 我接受到xd)
(等同大部分既經理級人工 其實已經包括左比人罵一樣...../)

9月
休息時間少左一倍 但收入多左一倍
精神壓力大左一倍 但屋企吹比錢既電話亦少左一倍
但收入多左一倍 亦代表的士開支大左一倍
有得必有失

我從來有電話到 我就即刻接 從來唔會推
但琴日就出現左第1次
因為我真係好累....
日間 7am-2pm/'
晚間 6-8pm-2-6am/'
有時當時間疊左 我就會冇左睡眠時間
所以而家出現訓下午覺呢1樣野
真係可以攤係地下 就訓得著o個種==
我都有諗過 唔知踏多幾耐 我應該好快就去見羅生....==

不過 我亦相信呢種機會唔知幾時再黎
所以黎跟 我要接多dd 唯有返少dd日間
現實 係錢重要dd嫁啦~~~~~~!!!
我好想儲到錢 (雖然唔知儲到拎黎做咩...就係想儲到錢!!!!!!)

anyway..遲左..
都祝睇到呢度既你中秋節快樂~~~!!!
我今日既中秋節活動就係日間工作+晚間工作
充實到爆....><
今天係追月 我都知有好多人計劃左去BB蕉
我就決定留係屋企訓覺 訓醒可能會去睇場戲(或者可能電話會到都未定...><)
咁我都希望天公造美 比大家可以開開心心去追月......!!!!!!

中秋節要快樂唷~~~!!!